.
سأحكي الموقف الذي جعل البعض بوجه الإتهامات لأولتراس أهلاوينظم أولتراس أهلاوي بالتعاون مع النشطاء السياسيين مسيرة إلي وزارة الدفاع . بسبب حفظ ملف قضية أحداث مجلس الوزراء و التي سقط فيها محمد مصطفي " كاريكا " عضو أولتراس أهلاوي شهيد . كان الإتفاق بأن يتولي " الكابوهات " قادة أولتراس أهلاوي الهتاف . و كان ال Event بعنوان أولي خطوات القصاص من العسكر .
وصلت المسيرة لوزارة الدفاع و قامت إحدي الفتيات بالهتاف " يسقط يسقط حكم المرشد " فلم يردد الهتاف ورائها أحد من أعضاء أولتراس أهلاوي " فهم لا يرددون الهتاف سوي وراء " كابوهات" الجروب
فاستدارت و سبت " كابوهات " الجروب .. فقام شابين من أعضاء الجروب بسبها و ضربها .
فقام الكابو " المشتوم " بخلع حزامة و ضرب به أعضاء الجروب حتي أنقذ الفتاة من الضرب .
قبل ما تقول خافوا يهتفوا ضد مرسي و الإخوان . أحب أقولك هتافات المسيرة كانت إيه " مرسي باشا يا مرسي بيه الطنطاوي اتكرم ليه ؟ "
" غاوي ليه تبوس البيادة .. قتلوا أخويا و أخدوا قلادة "
لسة العدل في مصر غياب لسة في بلدي رئيس كداب "
قصاص للجندى قصاص لجيكا قصاص لكريستى زى كاريكا قصاص لانس ولغندور ومينا دانيال واحمد منصور.
- هل تعلم : ان قبل ماتش مصر و الجزائر اللي في السودان اتعرض علي الجروب مليون جنية عشان يعملوا داخلة بصورة جمال مبارك و هُما رفضوا .
- هل تعلم ان اللي بيقول الأولتراس باعوا الثوار يبقي قاعد في بيتهم و مانزلش عند الإتحادية شاف جميع قيادات و كابوهات الجروب هناك .
- هل تعلم أن يوم المحاكمة يوم 26-1 فيه بعض النشطاء زعلوا ان المجرمين ماخدوش برائه عشان كان نفسهم الأولتراس ينزلوا الشارع يشتبكوا و يموتوا بدلهم ؟
-هل تعلم أن أولتراس أهلاوي نزل بيان يومها ان مفيش أفراح قبل القصاص من الداخلية و العسكر ؟ و أن ده أول حق شهيد ييجي من شهداء الثورة كلهم . و مطلبهم القصاص لجميع الشهداء .
-هل تعلم ان نادر بكار ماقالش أن الأولتراس خدوا فلوس من خيرت الشاطر و ده كلام من تأليف واحد مريض عشان يوقع الدنيا في بعض .
-هل تعلم أن يوم 18 يناير وقفت مسيرة الأولتراس قدام بيت جيكا فى عابدين وهتفت ليه ووالدة نزل وقف وسطنا
-هل تعلم أن لما حركات ثورية تقول عليهم مخترقين من الاخوان والاخوان تقول عليهم مخترقين من حركات ثورية والعسكر والشرطة تقول بلطجية يبقى اهما أكيد ماشين صح .
انت و ضميرك بقي :)
- follow me on Twitter!
- "Join me on Facebook!
- RSS
Contact